გივი მიქანაძე ამბობს, რომ იმედი აქვს, MEGOBARI აქტი, საბოლოო ჯამში, "კანონად არ გადაიქცევა".

მიქანაძის მტკიცებით, ეს არა "მეგობარი", არამედ "სრულიად არამეგობრული აქტია", აცდენილია რეალობას და არ შეესაბამება ახლა არსებულ კონტექსტს. 

მისივე მტკიცებით, აქტი "მიკერძოებული ხასიათისაა".

"ამ აქტის დასახელება აბსოლუტურად არ შესაბამება იმ კონტექსტს, რომელიც ამ მოცემულობაში არის წარმოდგენილი. პირდაპირ შეიძლება ითქვას, ეს არის საქართველოს და ქართველი ხალხის არამეგობრული აქტი, რომელიც არანაირად არ ასახავს რეალობას, აბსოლუტურად აცდენილია იმ რეალობას, რაც საქართველოში განვითარებულ მოვლენებთან არის დაკავშირებული. ეს არის მიკერძოებული ხასიათის.

ჩვენ ვიმედოვნებთ, რომ ეს აქტი საბოლოო ჯამში, ან საერთოდ არ იქნება მიღებული, ან თუ იქნება მიღებული მასში აისახება ის ცვლილებები, რომელიც სამართლიანად საჭიროა, რომ ასახული იყოს. პირველ რიგში, ეს ეხება ჩვენი მოსახლეობის მიერ საპარლამენტო არჩევნებში გამოხატულ თავისუფალ ნებას. მათ მხარი დაუჭირეს ქართულ ოცნებას როგორც მმართველ გუნდს და კიდევ ერთხელ, უკვე მიანდეს ამ ქვეყნის შემდგომი 4 წლის მართვა. ვიმედოვნებთ, ეს აქტი მიღებული იქნება იმ შემთხვევაში თუკი, ის მნიშვნელოვანი პოსტულატები იქნება დაცული.

ამ მხრივ, აშშ-ს უფრო მეტი რესურსი გააჩნია, რაც მეგობრობისთვის არის მნიშვნელოვანი. განსაკუთრებით უნდა აღინიშნოს, რომ მოხდეს საქართველოს მოქალაქეებისათვის სავიზო რეჟიმის შერბილება, პირდაპირი ფრენების დაწყება, ასევე, თავისუფალი ვაჭრობის შეთანხმების გაფორმება ამერიკის შეერთებულ შტატებთან. ეს შესაძლებელს გახდის, რომ ორმხრივი ურთიერთობები გაღრმავდეს და დაუბრუნდეს იმ დინამიურ განვითარებას, რომელიც მნიშვნელოვანია ორ სტრატეგიულ პარტნიორს შორის.

იმედს ვიტოვებთ, რომ ეს აქტი საბოლოო ჯამში, კანონად არ გადაიქცევა და კონკრეტული კანონმდებლები მისცემენ სამართლიან შეფასებას ყველაფერს, რის შემდეგადაც შესაძლებელი იქნება, რომ მასში შევიდეს ისეთი ცვლილებები, რომ მან მართლაც გაამართლოს თავისი დასახელება და მართლაც MEGOBARI აქტი გახდეს". - თქვა დეპუტატმა, გივი მიქანაძემ.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა