„ნაციონალური მოძრაობის“ ქმედება როგორც კი „სისხლის სამართლის კოდექსის“ ფარგლებს გასცდება და დანაშაულებრივი იქნება, მთელი სიმკაცრით იქნება გამოყენებული სისხლის სამართლის და სხვა სამართლებრივი მექანიზმები, – ამის შესახებ პარლამენტის საპროცედურო საკითხთა კომიტეტის თავმჯდომარემ, დავით მათიკაშვილმა განაცხადა.

მისი თქმით, სახელმწიფო ყველაფრის მიმართ ადეკვატური იქნება.

„ხაბეიშვილისნაირი ფსევდოპოლიტიკოსისგან მსგავსი განცხადების გაკეთება ღიმილისმომგვრელია. რა წინააღმდეგობის გაწევაზეა საუბარი, როცა ამ პარტიას არანაირი რეიტინგი არ გააჩნია და რადიკალიზმზე არიან გადასული. ხაბეიშვილი იქნება თუ სხვა, ყველას დაფიქრება მართებს. მათი ქმედება როგორც კი „სისხლის სამართლის კოდექსის“ ფარგლებს გასცდება და დანაშაულებრივი იქნება, მთელი სიმკაცრით იქნება გამოყენებული სისხლის სამართლის და სხვა სამართლებრივი მექანიზმები. ბუნებრივია, ეს მოძალადეებს არასასიამოვნო ვითარებაში აღმოაჩენს, როგორც იტყვიან, „ყოველი ხმლის ამღები, ხმლითვე დაეცეს“. იქნება ძალადობა? სახელმწიფო ყველაფრის მიმართ ადეკვატური იქნება“, – განაცხადა დავით მათიკაშვილმა.

„ნაციონალური მოძრაობის“ წევრმა, ლევან ხაბეიშვილმა სოციალურ ქსელში დაწერა, რომ „ქართული ოცნების“ დღეები დათვლილია, „კარგად ორგანიზებული, ერთობლივი, სახალხო აჯანყება თავისი თავდაცვითი, წინააღმდეგობრივი მოძრაობით, ამ შემთხვევაში უპირობოდ გავარღვევთ“.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა