თქვენ როგორ გგონიათ სახეში ხელს რომ დაგარტყამენ, რა დაზიანება უნდა მიიღო? ვიზუალურად რაიმე დაზიანება, სისხლდენა არ ჰქონია - ასე უპასუხა აჭარის პოლიციის დეპარტამენტის ყოფილმა უფროსმა გრიგოლ ბესელიამ, სასამართლო სხდომაზე ადვოკატ მაია მწარიაშვილის შეკითხვას იმასთან დაკავშირებით, თუ რა დაზიანება მიიღო ირაკლი დგებუაძემ „აქციაზე სილის გაწვნის შემდეგ“.

როგორც ბესელიამ აღნიშნა, ჰქონდა თუ არა ირაკლი დგებუაძეს სახის არეში სიწითლე, ამისთვის ყურადღება არ მიუქცევია.

„თქვენ როგორ გგონიათ სახეში ხელს რომ დაგარტყამენ, რა დაზიანება უნდა მიიღო? სახეში ხელი დაარტყა... ვიზუალურად რაიმე დაზიანება, სისხლდენა არ ჰქონია“, - განაცხადა ბესელიამ.

ადვოკატი პროცესზე იმითაც დაინტერესდა, ჰქონდა თუ არა ნაკაწრი, სიწითლე ან სისხლნაჟღენთი ინციდენტის შემდეგ დგებუაძეს.

„[სისხლნაჟღენთიც] არ ჰქონია, [ნაკაწრიც] არ მინახავს. სიწითლე არ მინახავს, არ მიმიქცევია ყურადღება მაგისთვის, ვინაიდან, ცოტა დაძაბული სიტუაცია იყო გარეთაც შიგნითაც და არ მიმიქცევია ყურადღება. სისხლდენა და ეგეთი დაზიანება არ მინახავს და სიწითლე ჰქონდა თუ არა არა, მიმიქცევია ყურადღება. არ დავკვირვებივარ“, - აღნიშნა ბესელიამ.

ცნობისთვის, ბათუმის საქალაქო სასამართლოში, სადაც გამოცემა „ბათუმელებისა“ და „ნეტგაზეთის“ დამფუძნებლის, მზია ამაღლობელის სასამართლო პროცესი მიმდინარეობს, აჭარის პოლიციის დეპარტამენტის ყოფილი უფროსი გრიგოლ ბესელია იკითხება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს