ცნობილი გახდა ჩინეთის მიერ აშშ-სთვის დაწესებული ტარიფების დეტალიზაცია. ინფორმაციას რამდენიმე დასავლური მედია ავრცელებს და წერს რომ აშშ-ს ეკონომიკისთვის ეს დიდი დარტყმაა. რა არის ცნობილი ამ დროისთვის.

 34%-იანი ტარიფი სრულად დაწესდა აშშ-ს იმპორტირებულ ყველა პროდუქციაზე.  აშშ-ს სოფლის მეურნეობის ვაჭრობამ კიდევ ერთი დარტყმა მიიღო: ჩინეთის საბაჟომ დაუყოვნებლივ შეაჩერა აშშ-ს მარცვლოვანი ექსპორტიორი კომპანიის მიერ C&D Inc.-ის სორგოს, ასევე სამი ამერიკული კომპანიის მიერ ფრინველებისა და ძვლის ფქვილის იმპორტი. 

პეკინმა ასევე გამოაცხადა შეზღუდვები საშუალო და მძიმე იშვიათი მეტალების ექსპორტზე აშშ-ში, მათ შორის საუბარია სამარიუმზე, გადოლინიუმზე, ტერბიუმზე, დისპროსიუმზე, ლუტეციუმზე, სკანდიუმსა და იტრიუმზე. ჩინეთმა ექსპორტის კონტროლის სიაში დაამატა აშშ-ის 16 სუბიექტი, რაც კრძალავს ორმაგი დანიშნულების პროდუქტების მიწოდებას აღნიშნულ კომპანიებზე. 

„არასაიმედო სუბიექტების“ სიაში დაემატა კიდევ 11 ამერიკული კომპანია, რაც საშუალებას აძლევს პეკინს, ამ კომპანიების წინააღმდეგ სასანქციო ქმედებები აამოქმედოს. შეზღუდულ-დასჯილ კომპანიებს შორის არიან Skydio Inc. და BRINC Drones — ტაივანისთვის იარაღის მიყიდვის გამო.

 გარდა ამისა, დაიწყო ანტიდემპინგური გამოძიება აშშ-დან და ინდოეთიდან შემოტანილ გარკვეულ სამედიცინო კომპიუტერული ტომოგრაფიის მილების (CT tubes) იმპორტზე, ასევე დაიწყება ფართომასშტაბიანი ინდუსტრიული კონკურენტუნარიანობის გამოძიება ამ სფეროში.

ავტორი: ექსპრესნიუსი,

სოციალური ქსელები

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა