2025-04-03 11:42:32, 694 ნახვა
მსოფლიო
ემანუელ მაკრონი ტრამპის მიერ გამოცხადებული ტარიფებით დაზარალებული სექტორების წარმომადგენლებს შეხვდება
საფრანგეთის პრეზიდენტი, ემანუელ მაკრონი დღეს იმ ინდუსტრიების წარმომადგენლებს შეხვდება, რომლებიც აშშ-ის პრეზიდენტ დონალდ ტრამპის მიერ გამოცხადებული ტარიფებით დაზარალდებიან.
Le Figaro-ს ინფორმაციით, შეხვედრა ელისეის სასახლეში ადგილობრივი დროით 16:00 საათზე გაიმართება.
მანამდე, ღვინისა და ალკოჰოლური სასმელების ექსპორტიორთა ფრანგულმა ჯგუფმა განაცხადა, რომ ტარიფების გამოცხადების შემდეგ ფრანგული ღვინისა და სხვა ალკოჰოლური სასმელების გაყიდვები შეერთებულ შტატებში, სავარაუდოდ, მინიმუმ 20%-ით შემცირდება.
Reuters-ის ინფორმაციით, შეერთებული შტატები ფრანგული ღვინისა და ალკოჰოლური სასმელების უდიდესი ბაზარია, 2024 წელს აშშ-ში მიწოდება 5%-ით გაიზარდა და 3.8 მილიარდ ევროს მიაღწია.
ავტორი: ექსპრესნიუსი,
epn.ge (@expressnews.ge)
