საუდის არაბეთში ვიზიტის შესახებ დონალდ ტრამპის გეგმები ვლადიმერ პუტინს არ უკავშირდება, - ამის შესახებ კრემლის პრესსპიკერმა, დიმიტრი პესკოვმა ბრიფინგზე განაცხადა.

დიმიტრი პესკოვი აშშ-ის პრეზიდენტის, დონალდ ტრამპის განცხადებას გამოეხმაურა იმის შესახებ, რომ უახლოეს მომავალში საუდის არაბეთს, კატარსა და არაბთა გაერთიანებულ საამიროებს ეწვევა.

„ეს ამერიკული სახელმწიფოს გეგმებია და პუტინთან არანაირად არ არის დაკავშირებული. პუტინს მსგავსი გეგმები ჯერჯერობით არ აქვს“, - განაცხადა დიმიტრი პესკოვმა.

მისი თქმით, ვლადიმერ პუტინი სამშვიდობო მოლაპარაკებებისთვის მზად არის და „ამას ის მოწმობს, რომ რუსეთი ამერიკულ მხარესთან შეთანხმებით ენერგეტიკულ ობიექტებზე თავდასხმების დროებით მორატორიუმს შეუერთდა“.

პესკოვმა აღნიშნა, რომ უკრაინა რუსეთის ენერგეტიკულ ობიექტებზე დარტყმებს აგრძელებს.

„კიევის რეჟიმი დროებით მორატორიუმს არ ემორჩილება და ჩვენს ენერგეტიკულ ინფრასტრუქტურაზე თავდასხმებს ყოველდღიურად აგრძელებს“, - აღნიშნა კრემლის პრესსპიკერმა.

ავტორი: ექსპრესნიუსი,

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს