ვლადიმერ პუტინი და სი ძინპინი რუსეთ-ჩინეთის კავშირების გაძლიერებას აპირებენ, – ამის შესახებ რუსეთის საგარეო საქმეთა მინისტრმა, სერგეი ლავროვმა, ჩინელ კოლეგასთან, ვან ისთან შეხვედრისას განაცხადა.

რუსეთის საგარეო უწყების ხელმძღვანელის თქმით, რუსეთსა და ჩინეთს აერთიანებს არა მხოლოდ ისტორიული და სამხედრო ძმობა და გრძელი საერთო საზღვარი, არამედ კეთილმეზობლობის მრავალსაუკუნოვანი ტრადიციები და ეროვნული ინტერესების ფართო სპექტრი.

„ასე გვიხელმძღვანელებენ ჩვენი ლიდერები, პრეზიდენტი პუტინი და თავმჯდომარე სი ძინპინი. ცოტა ხნის წინ ვიდეოკონფერენცია გაიმართა, მანამდე კი, სატელეფონო საუბარი იყო და მათ კიდევ ერთხელ დაადასტურეს თავიანთი ორმხრივი ვალდებულება რუსეთ-ჩინეთის ურთიერთობების მუდმივი გაძლიერებისკენ. ჩვენ ყველა ღონეს ვიხმართ, რომ მათი შეთანხმებები ეფექტურად განხორციელდეს“, – განაცხადა სერგეი ლავროვმა.

რუსეთის საგარეო საქმეთა მინისტრმა ხაზგასმით აღნიშნა, რომ მსოფლიოს ქვეყნების უმრავლესობა ხედავს მოსკოვისა და პეკინის პასუხისმგებლობას საერთაშორისო არენაზე მჭიდრო კოორდინაციისთვის, როგორც ყველაზე მნიშვნელოვან სტაბილიზაციის ფაქტორის ამ რთულ დროს.

ჩინეთის საგარეო საქმეთა მინისტრი ვან ი რუსეთში ოფიციალური ვიზიტით 31 მარტიდან 2 აპრილამდე ჩავიდა.

ავტორი: ექსპრესნიუსი,

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს