2025-03-09 17:05:47, 696 ნახვა
მსოფლიო
ავსტრალიაში უამინდობას მსხვერპლი მოჰყვა
ავსტრალიაში ციკლონისგან გამოწვეულ უამინდობას მსხვერპლი მოჰყვა და ასობით ათასი ადამიანი ელექტროენერგიის გარეშე დარჩა, - ინფორმაციას BBC-ი ავრცელებს.
გამოცემის ცნობით, ახალი სამხრეთ უელსისა და ქუინსლენდის შტატებში ქარიშხალმა წყალდიდობა გამოიწვია და ელექტროგადამცემი ხაზები და ხეები გაანადგურა.
წყალდიდობის შედეგად 61 წლის მამაკაცი დაიღუპა.
დაზარალებულ რეგიონებში 290 000-მდე სახლი და დაწესებულება ელექტროენერგიის გარეშეა დარჩენილი. ენერგეტიკული კომპანიები მოსახლეობას აფრთხილებენ, რომ გამორთვა, შეიძლება, რამდენიმე დღის განმავლობაში გაგრძელდეს.
ავტორი: ექსპრესნიუსი,
epn.ge (@expressnews.ge)
