იმპიჩმენტის საკითხზე თანამდებობიდან დროებით გადაყენებულმა სამხრეთ კორეის პრეზიდენტმა წინასწარი დაკავების იზოლატორი დატოვა, - ამის შესახებ ინფორმაციას სააგენტო Reuters-ი ავრცელებს.

სააგენტო Reuters-ის ცნობით, სამხრეთ კორეის პროკურატურამ ქვეყნის იმპიჩმენტგამოცხადებული პრეზიდენტის, იუნ სუკ იოლის გათავისუფლების გადაწყვეტილება მიიღო, მას შემდეგ რაც გუშინ, სასამართლომ მისი პატიმრობის გაგრძელების მოთხოვნა არ დააკმაყოფილა.

„უპირველეს ყოვლისა, მინდა მადლობა გადავუხადო ცენტრალურ საოლქო სასამართლოს გამბედაობისა და უკანონობის გამოსწორების მტკიცე გადაწყვეტისთვის“, - განაცხადა იუნ სუკ იოლმა.

შეგახსენებთ, სამხრეთ კორეის პარლამენტმა ქვეყანაში საგანგებო მდგომარეობის გამოცხადების გამო იუნ სუკ იოლს 14 დეკემბერს იმპიჩმენტი გამოუცხადა, თუმცა საბოლოო გადაწყვეტილება მის ოფიციალურ გათავისუფლებაზე, ან უფლებამოსილების აღდგენაზე საკონსტიტუციო სასამართლომ უნდა მიიღოს. სამართალდამცავებმა იოლი 15 იანვარს დააკავეს. გათავისუფლების მიუხედავად, იოლის უფლებამოსილება კვლავ შეჩერებულია და საომარი მდგომარეობის გამოცხადების გამო მისი სასამართლო პროცესი გაგრძელდება.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა