“ბოლომდე“ - დღეს თბილისსა და რეგიონებში საპროტესტო აქციები გაიმართება

2025-03-07 10:31:24, 451 ნახვა

პოლიტიკა

ტექსტს კითხულობს AI ასისტენტი

პროტესტის მე-100 დღეს თბილისსა და რეგიონებში საპროტესტო აქციები გაიმართება. „ბოლომდე“ - ამ ლოზუნგით საკანონმდებლო ორგანოსთან მოქალაქეები კვლავ შეიკრიბებიან.

„მასობრივი პროტესტის მე-100 დღეს რუსთაველზე შევიკრიბებით ძალიან ბევრი საქართველოს მოქალაქე.

კიდევ ერთხელ მოვითხოვთ საოკუპაციო რეჟიმის გაშვებას და ყველას დავანახებთ, რომ ჩვენ არ შევეგუებით ხელისუფლების უზურპაციას და დიქტატურის დამყარებას! ჩვენ ვიბრძოლებთ ბოლომდე და არ დავუშვებთ ქვეყნის მომავლის მოპარვას!

მნიშვნელოვანია ბევრი ვიყოთ, ამიტომ გაავრცელეთ ინფორმაცია და „ივენთზე“ მოიწვიეთ ყველა მეგობარი, ნაცნობი და თანამებრძოლი“,- აღნიშნულია ორგანიზატორების მიერ გავრცელებულ ინფორმაციაში.

რაც შეეხება სრულ განრიგს, ის შემდეგნაირად გამოიყურება:

7 მარტი - დღე 100

18:00 - აქცია/მსვლელობა: არქიტექტორები სოლიდარობისთვის!

თბილისის მერია

19:00 - სტუდენტების, ლექტორებისა და პროფესორების ერთობლივი აქცია/მსვლელობა

თსუ-ს პირველი კორპუსი

19:00 - პროტესტი საზოგადოებრივ მაუწყებელთან

19:00 - მსვლელობა: თავისუფლება სინდისის პატიმრებს!

პირველი არხის ეზოდან (კოსტავას 68)

20:00 – პროტესტის მეასე დღე: ბოლომდე! - პარლამენტთან

21:00 - საჯარო ლექცია საპროტესტო აუდიტორიის მიერ - ილიას და აკაკის ძეგლთან

21:30 – საჯარო დისკუსია: რუსულ რეჟიმთან ბრძოლის 100 დღე - მიღწევები, გამოწვევები, სამომავლო ნაბიჯები - ქართული სახვითი ხელოვნების მუზეუმის წინ