„ნაციონალური მოძრაობის“ წევრის, გოკა გაბაშვილის განცხადებით, მთავრობა  საქართველოს  დამატებითი ბუნებრივი აირით უზრუნველყოფასთან  დაკავშირებით „სხვადასხვა ტყულს თხზავდა“.

ამის შესახებ გაბაშვილმა დარგობრივი ეკონომიკისა და ეკონომიკური პოლიტიკის და საგარეო ურთიერთობათა კომიტეტებისა და ტერიტორიული მთლიანობის აღდგენის საკითხთა დროებითი კომისიის გაერთიანებული სხდომაზე განაცხადა, სადაც კახა კალაძეს უსმენენ.

„კონკრეტულად, 20 ოქტომბერს თქვენ განაცხადეთ, რომ აზერბაიჯანს არ შეუძლია დამატებითი რესურსების გამოყოფა საქართველოსთვის და საქართველოს მოთხოვნის დაკმაყოფილება. მომყავს თქვენი ციტირება „თუ რატომ არ აქვს აზერბაიჯანს დამატებითი მოცულობა, ალბათ აჯობებს ეს კითხვა აზერბაიჯანს დაუსვათ“.

23 ოქტომბერს „სოკარი“ ოფიციალურად აცადებს და უარყოფს თქვენს გამოთქმულ ვერსიას და პირდაპირ ამბობს, „აზერბაიჯანულ მხარეს ბუნებრივი აირით მთელი საქართველოს მომარაგება შეუძლია“. გაუგებარია, რა სტილის მოლაპარაკება გქონდათ ჩვენს პარტნიორებთან, როცა თქვენ 20 ოქტომბერს აცხადებთ, რომ აზერბაიჯანს არ შეუძლია საქართველოს მომარაგება და ფაქტობრივად,  ხატავთ სურათს, რომ გამოუვალ მდოგმარეობაში ხართ, თუ არ იყიდით რუსულ გაზს და 23 ოქტომბერს აზერბაიჯანი თქვენი განცხადების უარყოფას ახდენს. 20–დან 23 ოქტომბრამდე ვინ იტყუებოდა, თქვენ - კახი კალაძე და საქართველოს მთავრობა, თუ აზერბაიჯანი?!“, – მიმართა გოკა გაბაშვილმა ენერგეტიკის მინისტრ კახი კალაძეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა