2025-02-15 08:40:07, 481 ნახვა

---

ჯო უილსონი - მოხარული ვიყავი შევხვედროდი სახელმწიფო მდივანს, მოუთმენლად ველი მასთან მუშაობას საქართველოში დემოკრატიის აღსადგენად

მოხარული ვიყავი შევხვედროდი სახელმწიფო მდივანს მარკო რუბიოს, მოუთმენლად ველი მასთან მუშაობას საქართველოში, ტუნისსა და პაკისტანში დემოკრატიის აღსადგენად, - ამის შესახებ აშშ-ის ჰელსინკის კომისიის თანათავმჯდომარე, კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს.

“მოხარული ვიყავი შევხვედროდი სახელმწიფო მდივანს მარკო რუბიოს. მას ესმის თავისუფლებისა და დემოკრატიის მნიშვნელობა მსოფლიოს გარშემო. მოუთმენლად ველი მასთან მუშაობას საქართველოში, ტუნისსა და პაკისტანში დემოკრატიის აღსადგენად და სირიაზე სანქციების შესამსუბუქებლად, რათა სირიელებს დაბრუნებისა და აღმშენებლობის საშუალება მიეცეთ,” - წერს უილსონი.

უილსონის მიერ გამოქვეყნებულ ფოტოსურათში მას და რუბიოს გარდა კადრში ასევე არიან კონგრესმენი ნილ დანი (რესპუბლიკური პარტია), სენატორი რიჩარდ ბლუმენთალი (დემოკრატიული პარტია) და სენატორი კრის კუნსი (დემოკრატიული პარტია).

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი