აშშ-ის წარმომადგენელთა პალატის საგარეო ურთიერთობათა კომიტეტის თავმჯდომარემ, ბრაიან მასტმა, რადიო თავისუფლებასთან ინტერვიუში განაცხადა, რომ ტრამპის ადმინისტრაცია რუსეთის მოსაზღვრე ქვეყნებს „ბუფერულ ზონად“ არ განიხილავს.

 „არ შეიქმნება ისეთი სიტუაცია, სადაც რუსეთის მოსაზღვრე ქვეყნებს ბუფერულ ზონად განვიხილავთ, ისეთ სივრცედ, რომელსაც დავთმობთ ან შეველევით.“ - განაცხადა მასტიმ.

ბრაიან მასტმა, რომელიც ავღანეთის ომის ვეტერანია, ასევე აღნიშნა, რომ თანამედროვე სამყარო „ორ ბილიკად“ დაიყო: ერთ მხარეს აშშ, ნატო, ევროკავშირი და ისრაელია, მეორე მხარეს კი – ჩინეთი და რუსეთი.

 „ამ ოთხი წლის ბოლოს ყველასთვის ცხადი გახდება, რომ ამერიკის, ნატოს, ევროკავშირის და ისრაელის გზა ბევრად ძლიერია,“ – განაცხადა მან, დაჯგუფების მნიშვნელობაზე საუბრისას.

კონგრესმენმა ასევე აღნიშნა, რომ საქართველოს გაძლიერება აშშ-ს კიდევ უფრო მეტად უბიძგებს პარტნიორობისკენ.

 „რეალურ ცხოვრებაში ანდერდოგის წარმატება არ გამოდგება. ყველაზე პატარა ძაღლიც კი უნდა ცდილობდეს, მოღონიერდეს,“ – აღნიშნა მასტმა.

შეგახსენებთ, მიუნხენის უსაფრთხოების 61-ე კონფერენცია დღეს, 14 თებერვალს დაიწყო, სადაც უკრაინაში მიმდინარე ომის გარშემო მოლაპარაკებები მთავარი თემა იქნება.

ავტორი: ექსპრესნიუსი,

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ