საქართველოს მეხუთე პრეზიდენტი  პატიმრების ოჯახის წევრებს შეხვდა. შეხვედრის შემდეგ ზურაბიშვილი სიტყვით გამოვიდა და განაცხადა, რომ უკანონოდ დაპატიმრებულებს სტიპენდია უნდა გადაეცეთ და სხვადასხვა ასპექტში პრიორიტეტები მიენიჭოთ.

მისივე თქმით, თავისუფლებისთვის მებრძოლი ადამიანებისთვის, მათ შორის, საჯარო მომსახურეთათვის, რომლებმაც რეპრესიები საკუთარ თავზე გამოცადეს, ფონდი უნდა შეიქმნას.

"ქართულმა ოცნებამ", რომელიც გვპირდებოდა მშვიდობას, გამოუცხადა ომი თავის მოსახლეობას და ვართ ომში. ესენი არიან ჩვენი ხვალინდელი ახალგაზრდა ვეტერანები. მათ უნდა მივხედოთ და დავუწესოთ სტიპენდია, მივცეთ პრიორიტეტი როდესაც საუბარი იქნება საჯარო სამსახურში შესვლაზე, დაბრუნებაზე. მერე შეიძლება ვიფიქროთ, რა ტიპის შეღავათები იყოს მათთვის. ეს იქნება გამოცხადება საზოგადოების მიერ, პოლიტიკური სპექტრის მიერ, რომელიც უნდა ჩავრთოთ კონკრეტულ პოლიტიკაში. ეს იქნება გამოცხადება სოლიდარობის.

ამაზე იყო საუბარი ეკონომისტებთან, ფინანსისტებთან. ეს არის მოსაზრება, რომელიც უკავშირდება ახალი ფონდის დაარსებას, რომელიც იქნება საზოგადოებრივი. არის მოთხოვნა საზოგადოებაში, რომ იყოს საზოგადოების ამსახველი ფონდი, რომელიც ყველა ადამიანს დაეხმარება, პატიმრების, თავისუფლებისთვის მებრძოლების ოჯახებს, დაჯარიმებულებს, საჯარო სექტორში დასჯილებს", - განაცხადა სალომე ზურაბიშვილმა.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე