ოპოზიციონერი ლიდერის, გიგი უგულავას განცხადებით, ადმინისტრაციულ სახდელს, რომელსაც სასამართლო დააკისრებს, ის არ გადაიხდის. თბილისის საქალაქო სასამართლოში სწორედ უგულავას მიმართ ადმინისტრაციული სახდელის დადებაზე მსჯელობენ.

„ამ დავის იურიდიული თუ არსებითი ნაწილის განხილვას არ ვაპირებ, რადგან ეს აბსურდია. ცალსახაა ერთი რამე, ხელისუფლებას ფიზიკურ ტერორთან ერთად ფინანსური ტერორი აქვს დაწყებული. ეს საქმეები ფინანსური ტერორია ადამიანების წინააღმდეგ. ივანიშვილი, რომელიც ხელისუფლებაში მოსვლის დროს ადამიანებს, თითო სოფელს, 5 მილიონს პირდებოდა, 5000-ლარიანი ჯარიმით ასაჩუქრებს საკუთარ მოქალაქეებს. დაახლოებით, 3 მილიონი ლარის ამოღება უნდათ საკუთარი მოქალაქეების ჯიბიდან. მე არ ვაპირებ არანაირი ჯარიმის გადახდას, წერტილი, ვერავის მოვუწოდებ ასე იმოქმედონ, ეს ინდივიდუალური გადაწყვეტილება. ეს ყველაფერი ადამიანების დაშინებას ისახავს მიზნად. ის ქვითრები, რომელსაც წერენ დასანქცირებული მოსამართლეები, შეუძლიათ თავისთვის რელიკვიად შეინახონ",- განაცხადა უგულავამ სხდომის დაწყებამდე.

სასამართლო პროცესზე კი ადვოკატმა ირაკლი აბესაძემ მოსამართლე ზვიად ცეკვავას აცილების შუამდგომლობა დააყენა. აბესაძის თქმით, მოსამართლე ესტონეთმა დაასანქცირა, შესაბამისად, მას ეს საქმე არ უნდა განეხილა.

მოსამართლეს მიმართა უგულავამაც და უთხრა, რომ ეს ყველაფერი ფარსია და ყველაფერი წინასწარაა გადაწყვეტილი.

„წინასწარ ვიცით თქვენი გადაწყვეტილება. ამ წარმოდგენაზე დიდ დროს ნუ დავხარჯავთ, ცირკსაც ვერ ვუწოდებ, ცირკში ადამიანები ერთობიან, აქ გასართობი არაფერია", - მიმართა უგულავამ მოსამართლეს.

მოსამართლემ აბესაძის შუამდგომლობა დასაბუთებლობის არგუმენტით არ დააკმაყოფილა და საქმე არ აიცილა.

გიგი უგულავას ადმინისტრაციულ სამართალდარღვევათა კოდექსის 174-ე პრიმა მუხლის მეოთხე ნაწილით გათვალისწინებული ქმედების ჩადენას ედავებიან. კერძოდ კი იმას, რომ ის 17 იანვარს, რუსთაველის გამზირზე მიმდინარე საპროტესტო აქციაზე იმყოფებოდა და გზა ხელოვნურად იმ დროს გადაკეტა, როცა ამისთვის ადამიანების საკმარისი რაოდენობა არ იყო.

ავტორი: ექსპრესნიუსი,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე