ბათუმში 24-საათიანი პროტესტი მიმდინარეობს - საკონსტიტუციო სასამართლოსა და აჭარის ე.წ. მთავრობის სახლის მიმდებარე ტერიტორიაზე უკვე მე-6 დღეა კარვებია გაშლილი. აქციის მონაწილეები, "ბათუმელებისა" და "ნეტგაზეთის" დამფუძნებლის, მზია ამაღლობელის გათავისუფლებას ითხოვენ.

ამასთან, პროტესტის ავანგარდში მოქცეული ადამიანები მხარდაჭერას უცხადებენ ბათუმის აქციების მედროშეს, თემურ ქათამაძეს, რომელიც შსს-ს მიგრაციის დეპარტამენტის დროებითი განთავსების ცენტრშია მოთავსებული და  მე-18 დღეა შიმშილობს.

თემურ ქათამაძის მეგობრის თქმით, უწყება თურქეთში დეპორტაციისთვის ამზადებს ქათამაძეს, სადაც მას საფრთხე ემუქრება.

„აპირებენ მედროშის ქვეყნიდან გაძევებას თურქეთში. მას თურქეთში საფრთხე ემუქრება იმიტომ, რომ თურქეთის რესპუბლიკისთვის ისინი განიხილავენ მას, როგორც სეპარატიზმის გამღვივებელ პიროვნებას მხოლოდ იმიტომ, რომ იბრძოდა იმისთვის, რომ იქ შენარჩუნებულიყო ეროვნული თვითშეგნება ქართველებში. თურქეთის რესპუბლიკა ასეთ ადამიანებს განიხილავს, როგორც საფრთხეს თავიანთი სახელმწიფოებრიობისთვის. არის საფრთხე, რომ მოიშორონ ფიზიკურად,“ - ამბობს მოქალაქე.

ავტორი: ექსპრესნიუსი,

სოციალური ქსელები

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ

დონალდ ტრამპის შესახებ ახალი წიგნი, გამოსვლიდან პირველივე კვირაში ბესტსელერი გახდა

მოსკოვის ყველა აეროპორტში ფრენების ჩამოსვლასა და გამგზავრებაზე შეზღუდვებია დაწესებული

პუტინის მეორე იახტამ რუსეთი დატოვა და თურქეთისკენ მიემართება