უკრაინაზე მორიგი შეტევისას, რომელიც 30 იანვრის ღამიდან მიმდინარეობდა, რუსეთის საოკუპაციო ძალებმა 102 უპილოტო საფრენი აპარატი გამოიყენეს. ეს ინფორმაცია დღეს, 31 იანვარს, დილის 11 საათის შემდეგ გამოაქვეყნა უკრაინის საჰაერო ძალების სარდლობამ.

სარდლობის თანახმად, უკრაინის თავდაცვის ძალებმა 59 დრონი ჩამოაგდეს, 37 კი „ლოკალურად დაიკარგა ნეგატიური შედეგების გარეშე".

საჰაერო ძალების სარდლობის მონაცემებით, უპილოტო საფრენი აპარატებით შეტევამ ზიანი მიაყენა სუმის, ოდესის და ჩერკასის ოლქებს.

უკრაინული მედიის ცნობით, რუსეთმა ოდესის ოლქში დრონებით შეუტია ჩერნომორსკის პორტის რაიონს.

კიევის მერი ვიტალი კლიჩკო დილით ტელეგრამ-არხით იუწყებოდა, რომ მოგერიებული დრონის ნამსხვრევებმა მრავალსართულიანი სახლის ერთ-ერთი ბინა დააზიანა. მოგვიანებით კიევის საქალაქო-სამხედრო ადმინისტრაციამ განაცხადა, რომ ინფორმაცია არ დადასტურდა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა