ჩვენ ყველაზე მეტად გვაზიანებდა არაპრაგმატული მიდგომები საკითხების მიმართ, გვაზიანებდა ის, რომ პოლიტიკანობას ჰქონდა წაღებული მთელი საერთაშორისო პოლიტიკა, ნაცვლად რეალისტური და ეროვნულ ინტერესებზე მიმართული პოლიტიკისა, – ამის შესახებ საქართველოს პარლამენტის თავმჯდომარემ, შალვა პაპუაშვილმა ტელეკომპანია „იმედის“ ეთერში განაცხადა.

„ტრამპი და მისი ადმინისტრაცია ამბობს, ასე უყურებენ მომდევნო ოთხ წელს, რომ ყველა ქვეყანა თავისი ინტერესით იმოქმედებს. ზუსტად ეს აჩვენებს, რომ აშშ, როგორც იქნა, აღიარებს, რომ სხვებსაც აქვთ ინტერესები, ამ შემთხვევაში, საქართველოსაც აქვს ინტერესები. აშშ-ის ადმინისტრაცია თავის ინტერესებსაც გვეტყვის და აქ იქნება თანხვედრა და არა ისე, როგორც აქამდე ხდებოდა: ყოფილი ელჩები რომ დადიოდნენ კაბინეტ-კაბინეტ, ჩემს კაბინეტში აშშ-ის ყოფილი ელჩი რომ მოდიოდა და მე მელაპარაკებოდა ქართველი ხალხის სახელით. ერთ-ერთ შეხვედრაზე ბოლოს ვუთხარი, ისე ნუ იზამთ, რომ თქვენ ხართ საქართველოს პატრიოტი და მე ვარ ჩამოსული-მეთქი. ამ დონემდე იყო მისული ეს ფარსი და ფარისევლობა, რომ ელჩები გელაპარაკებოდნენ ქართველი ხალხის სახელით ქართველი ხალხის მიერ არჩეულ დეპუტატებს“, – აღნიშნა შალვა პაპუაშვილმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს