2025-01-29 17:26:46, 542 ნახვა
პოლიტიკა
30 იანვარს, ირაკლი კობახიძის ხელმძღვანელობით დელეგაცია სომხეთს ეწვევა
სომხური მხარის ინფორმაციით, კობახიძე პირად შეხვედრას გამართავს სომხეთის პრემიერ-მინისტრ ნიკოლ ფაშინიანთან, რის შემდეგაც სომხეთსა და საქართველოს შორის ეკონომიკური თანამშრომლობის სამთავრობათაშორისო კომისიის მორიგი შეხვედრა გაიმართება.
საქართველოს დელეგაციის შემადგენლობაში ერევანს საგარეო საქმეთა მინისტრი მაკა ბოჭორიშვილიც ეწვევა.
შეგახსენებთ, რომ 2024 წლის 26 ოქტომბრის საპარლამენტო არჩევნების შემდეგ ირაკლი კობახიძე მხოლოდ აზერბაიჯანს (ნოემბერში კლიმატის კონფერენციაში მონაწილეობდა, იანვარში კი სამუშაო ვიზიტით ბაქოში) და არაბეთის გაერთიანებულ საემიროებში იმყოფებოდა.
ავტორი: ექსპრესნიუსი,
epn.ge (@expressnews.ge)
