2025-01-27 19:07:41, 1366 ნახვა
ომი უკრაინაში
ოკუპირებული დონეცკის ე.წ. სასამართლომ ქართველ მოხალისეს სამუდამო პატიმრობა მიუსაჯა
რუსეთის მიერ ანექსირებული დონეცკის ე.წ. უზენაესმა სასამართლომ უკრაინის მხარეს მებრძოლ საქართველოს მოქალაქეს, ნიკოლო ბერიანიძეს, სამუდამო პატიმრობა მიუსაჯა. რუსული მედიის ინფორმაციით, ბერიანიძე 2016 წლამდე ჩავიდა კიევში და შეუერთდა აზოვის პოლკს. გამოძიების მტკიცებით, 2022 წლის 24 თებერვლიდან 20 მაისამდე ბერიანიძე მარიუპოლში უკრაინის შეიარაღებული ძალების საბრძოლო უსაფრთხოების ნაწილებში მსახურობდა. 2022 წლის მარტში, მარიუპოლში ყოფნისას, მას ბრალად ედება სამი რუსი სამხედრო მოსამსახურის მკვლელობა. ბერიანიძე უკრაინის მხარეს სხვადასხვა საბრძოლო პუნქტში იბრძოდა, სანამ რუსმა ჯარისკაცებმა დააკავეს.
ავტორი: ექსპრესნიუსი,
epn.ge (@expressnews.ge)
