2025-01-26 16:31:12, 782 ნახვა
პოლიტიკა
"ქართული ოცნების“ დელეგაცია არაბთა გაერთიანებულ საამიროებში გაემგზავრა
პრემიერ მინისტრი ირაკლი კობახიძე არაბთა გაერთიანებულ საამიროებში გაემგზავრა.
მასთან ერთად გაემგზავრნენ თბილისის მერი კახა კალაძე და მთავრობის სხვა წევრებიც: ლევან დავითაშვილი, მაკა ბოჭორიშვილი, თორნიკე რიჟვაძე და ლევან ჟორჟოლიანი.
გავრცელებული ინფორმაციით, კობახიძე შეხვედრას არაბთა გაერთიანებული საამიროების პრეზიდენტთან, შეიხ მოჰამედ ბინ ზაიედ ალ ნაჰიანთან, ასევე არაბთა გაერთიანებული საამიროების ტოლერანტობის მინისტრთან, შეიხ ნაჰიან ბინ მუბარაქ ალ ნაჰიანთან გამართავს.
ვიზიტის ფარგლებში ასევე შეხვედრა აბუ-დაბის სახელმწიფო საინვესტიციო კომპანიასთან და მის ლოგისტიკურ მიმართულებასთან, აბუ-დაბი პორტის ჯგუფთან არის დაგეგმილი.
ავტორი: ექსპრესნიუსი,
epn.ge (@expressnews.ge)
