ბულგარეთის პარლამენტმა ახალი მთავრობა დაამტკიცა

2025-01-16 15:23:22, 356 ნახვა

მსოფლიო

ბულგარეთის პარლამენტმა ახალი მთავრობა დაამტკიცა, - ამის შესახებ ინფორმაციას სააგენტო Reuters-ი ავრცელებს.

ბულგარეთის პრემიერ-მინისტრი კოალიცია „მოქალაქეები ბულგარეთის ევროპული განვითარებისთვის - დემოკრატიული ძალების კავშირის“ წარმომადგენელი, როსენ ჟელიაზკოვი გახდა.

როსენ ჟელიაზკოვის მთავრობის შემადგენლობას მხარი 125-მა დეპუტატმა დაუჭირა, ხოლო 114-მა ხმა მის წინააღმდეგ მისცა.

ბულგარეთის ახალი მთავრობის შემადგენლობაში 19 მინისტრი იქნება. ქვეყნის საგარეო საქმეთა მინისტრი გეორგ გეორგიევი გახდა, ხოლო თავდაცვის სამინისტროს ატანას ზაპრიანოვი უხელმძღვანელებს.

ცნობისთვის, ოქტომბერში გამართულ ბულგარეთის საპარლამენტო არჩევნებში კოალიციამ „მოქალაქეები ბულგარეთის ევროპული განვითარებისთვის - დემოკრატიული ძალების კავშირი“ გაიმარჯვა, თუმცა პარლამენტში უმრავლესობის მოპოვება ვერ შეძლო და ბოლო თვეების განმავლობაში მთავრობის ფორმირების შესახებ სხვა პოლიტიკურ პარტიებთან მოლაპარაკებებს აწარმოებდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,