კოალიცია "ძლიერი საქართველოს" ლიდერები, მამუკა ხაზარაძე და ბადრი ჯაფარიძე, შეერთებულ შტატებში ვიზიტს აგრძელებენ. შეხვედრების მთავარი თემა საქართველოში მიმდინარე პოლიტიკურ პროცესებთან დაკავშირებით მხარდაჭერის მოპოვება და სტრატეგიული პარტნიორობის აღდგენაა.

ხაზარაძის განცხადებით, ვიზიტი მიზნად ისახავს აშშ-ს ახალი ადმინისტრაციისთვის საქართველოს ახლანდელი მდგომარეობის შესახებ ინფორმაციის მიწოდებას.

„შეერთებულმა შტატებმა და ახალმა ადმინისტრაციამ, ისევე როგორც ძველმა, ''ქართულ ოცნებას'' ანუ, რუსულ ხელისუფლებას საქართველოში საბოლოოდ დაუსვა დიაგნოზი. ეს არის ძალა, რომელიც ემსახურება რუსეთის ხელისუფლებას საქართველოში და ყველანაირად ხელს უშლის ჩვენი ქვეყნის გაერთიანებას და კავშირებს იმ დასავლურ კურსთან, რომელიც ჩვენმა მოქალაქეებმა და საზოგადოებამ აირჩიეს. დღევანდელი განცხადება არის ნათელი დადასტურება იმისა, რომ ბიძინა ივანიშვილის ხელისუფლება და მისი ე.წ. პრემიერი, რომელიც კავშირშია რუსეთთან, ირანთან, ჰეზბოლასთან და ა.შ. და ეს ძალები არიან ბუნებრივია შეერთებული შტატების პირდაპირი მტრები.

ჩვენი ვიზიტი ემსახურება იმას, რომ კიდევ ერთხელ გადავცეთ ის გზავნილი, თუ რა მოხდა საქართველოში და რა ხდება.“- განაცხადა მამუკა ხაზარაძემ.

ბადრი ჯაფარიძე ყურადღებას ამახვილებს იმაზე, რომ აშშ-ის ა ადმინისტრაცია,  ავტორიტარული რეჟიმების წინააღმდეგ შეურიგებელია, რაც ხელს შეუწყობს საქართველოსთვის თავისუფალი და სამართლიანი არჩევნების ჩატარებას.

„საქართველომ ერთხელ და სამუდამოდ უნდა დააღწიოს თავი რუსეთის იმპერიას და დაიბრუნოს ევროპული და დასავლური მომავალო, აღდგეს შეერთებული შტატების სტრატეგიული პარტნიორობა ჩვენს ქვეყანასთან როგორც კი ახალი არჩევნები ჩატარდება. უნდა გვესმოდეს, კონგრესი განწყობილია ისე, რომ მიიღოს ყველა ის გადაწყვეტილება, რომელიც სჭირდება დღეს ქართველ ხალხს. უნდა ითქვას, ახალ ადმინისტრაციაში, ტრამპის ადმინისტრაციაში, რომელიც 20 იანვრიდან იწყებს ფუნქციონირებას არიან გამორჩეული პოლიტიკოსები, ეს არის მარკო რუბიო, ბატონი მაიკლ უოლტსი, რომლებიც არიან გამორჩეულები სწორედ ავტორიტარული რეჟიმებისადმი შეურიგებლობით. ამიტომ, მე ველოდები რა თქმა უნდა იმას, რომ ნაბიჯები კიდევ უფრო მეტად დაჩქარდება ქართველი ხალხის.“ - განაცხადა ჯაფარიძემ.

 „ძლიერი საქართველოს“ ლიდერები დარწმუნებულნი არიან, რომ მათი შეხვედრები შეერთებულ შტატებში ხელს შეუწყობს ახალ არჩევანს და ქვეყანაში დემოკრატიული პროცესების განმტკიცებას.

ავტორი: ექსპრესნიუსი,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს