მოლდოვის დედაქალაქში კიშინიოვში, მოლდოვის პრეზიდენტის, მაია სანდუს ინაუგურაცია გაიმართა. ამის შესახებ ინფორმაციას „ეხო კავკაზა“ ავრცელებს.

მედიის ცნობით, სანდუმ რესპუბლიკის სასახლეში ფიცი დადო და მეორე ვადით მოლდოვის პრეზიდენტის თანამდებობა ოფიციალურად დაიკავა.

„დღეს გიბრუნდებით მადლიერებითა და პასუხისმგებლობით. თქვენ მომეცით ნდობა, რომ შემიძლია გავაგრძელო გზა, რომელიც ერთად დავიწყეთ 4 წლის წინ. მე ვიღებ ამ ახალ მანდატს პირველ რიგში თავმდაბლობით, მაგრამ ასევე მტკიცედ. 4 წლის წინ კარგ დროს დაგპირდით. ეს იყო გულწრფელი დაპირება, მაგრამ დრო რთული და მშფოთვარე გამოდგა. მოლდოვა რეგიონული და გლობალური კრიზისის ცენტრშია. პანდემიას მოჰყვა ფასების მატება, ენერგეტიკული კრიზისი, გაზის შანტაჟი, ახლა კი სიბნელის შანტაჟი. მაგრამ ყველა ეს კრიზისი ფერმკრთალია ჩვენს საზღვარზე სასტიკ ომთან შედარებით. ომმა, რომელმაც აიძულა მილიონობით ადამიანი, დაეტოვებინა საკუთარი სახლები, იმოქმედა ეკონომიკაზე და დატოვა თავისი კვალი ჩვენზე, როგორც ადამიანებზე“,- განაცხადა სანდუმ.

ცნობისთვის, მაია სანდუ პირველი პრეზიდენტია, რომელიც ზედიზედ ორჯერ აირჩიეს პირდაპირი კენჭისყრით. მან პრეზიდენტის ფიცი პირველად 2020 წლის 24 დეკემბერს დადო.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა