თინა ხიდაშელი: მე მაქვს აბსოლუტური კომფორტი, რომ პროკურატურამ დაიწყო ეს გამოძიება

2016-03-01 23:07:32, 422 ნახვა

პოლიტიკა

''მე მაქვს აბსოლუტური კომფორტი, რომ პროკურატურამ დაიწყო ეს გამოძიება'' - ამის შესახებ თავდაცვის მინისტრმა, თინა ხიდაშელმა განაცხადა. მისი თქმით, სამხედრო დოკუმენტაცია არის მკაცრი აღრიცხვის ყველაზე უფრო მაღალი სისტემურობის შემცველი დოკუმენტაცია და ვერავინ ვერაფერს განსხვავებულს ვერ ნახავს.

''სამხედრო დოკუმენტაცია და სამხედრო დისციპლინა, ეს არის, ალბათ, მკაცრი აღრიცხვის ყველაზე უფრო მაღალი სისტემურობის შემცველი დოკუმენტაცია. ამიტომ ვამბობ, რომ ვერავინ ვერაფერს განსხვავებულს ვერ ნახავს იქ. ოღონდ აქ არის მთავარი პრობლემა, რომელიც მე დავინახე პროკურატურის მხრიდან. პიროვნულად მე, როგორც თინა ხიდაშელს, მაქვს აბსოლუტური კომფორტი, რომ პროკურატურამ დაიწყო ეს გამოძიება იმიტომ, რომ კიდევ ერთხელ დადასტურდება, რომ ეს არის ჩვეულებრივი, დადგმული, შეკვეთილი კამპანია ადამიანის წინაამდეგ, რომლის ატანაც არ შეუძლიათ,'' - განაცხადა თინა ხიდაშელმა გადაცემა არჩევანში.