ისრაელმა ღაზაზე საჰაერო და სახმელეთო იერიში მიიტანა - თავდასხმების შედეგად, სულ მცირე, 53 ადამიანია დაღუპული. ამის შესახებ ინფორმაციას Reuters-ი ავრცელებს.

მედიის ცნობით, გარდაცვლილებს შორისაა ტელეკომპანია Al Jazeera-ს ვიდეოჟურნალისტი აჰმედ ალ-ლუჰი, სამაშველო სამსახურის თანამშრომელი, ჟურნალისტი და სამედიცინო პერსონალი.

ისრაელელი სამხედროების განცხადებით, მათმა საჰაერო და სახმელეთო ძალებმა ჩრდილოეთში ათობით მებრძოლი მოკლეს, სხვები კი დააკავეს.

მედიის ინფორმაციით, საჰაერო იერიში იყო განხორციელებული ღაზას ქალაქ ხან-იუნისზეც, სადაც ლტოლვილთა თავშესაფარზე თავდასხმას, სულ მცირე, 20 ადამიანი ემსხვერპლა.

როგორც ქალაქ ბეით-ჰანუნის მცხოვრებლები აცხადებენ, ისრაელელმა სამხედროებმა ალყა შემოარტყეს სკოლას, სადაც იძულებით გადაადგილებული ადამიანები თავს აფარებდნენ და მათ ტერიტორიის დატოვებისკენ მოუწოდეს.

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა