2024-12-08 20:58:50, 3512 ნახვა
პოლიტიკა
გიორგი ვაშაძე - პოლიცია მომადგა სახლში
„ერთიანობა - ნაციონალური მოძრაობის“ ერთ-ერთი ლიდერის, გიორგი ვაშაძის სახლთან პოლიცია იმყოფება.
ამის შესახებ ვაშაძემ სოციალურ ქსელში დაწერა.
„პოლიციამ მომადგა სახლში“,- წერს ვაშაძე, რომელიც ამავე დროს „ფეისბუქის“ გვერდზე პირდაპირი ეთერის რეჟიმში სამართალდამცველებს მიმართავს:
„მეტი საქმე არ გაქვთ?! უკანონო რეჟიმის დავალებებს რომ ასრულებთ, მეტი საქმე არ გაქვთ?! არ გრცხვენიათ?! არ აპირებთ, რომ დატოვოთ სამინისტრო? და ამ თვითმარქვია რეჟიმის დავალებები უნდა შეასრულოთ ასე? თქვენ ადგილზე მე დავტოვებდი სამსახურს და ამ დავალებას არ შევასრულებდი. შეთითხნილია ეგ ყველაფერი და უკანონობას ჩადიხართ“,- უთხრა ვაშაძემ სამართალდამცველებს.
ავტორი: ექსპრესნიუსი,
epn.ge (@expressnews.ge)
