2024-12-07 17:30:29, 509 ნახვა
პოლიტიკა
„საქართველოს ბანკი“ - გუშინდელ აქციაზე ჩვენი გუნდის წევრი დააკავეს
გუშინდელ აქციაზე ჩვენი გუნდის წევრი დააკავეს,- ამის შესახებ „საქართველოს ბანკი“ განცხადებას ავრცელებს.
როგორც „საქართველოს ბანკის“ განცხადებაში წერია, მათთვის კატეგორიულად მიუღებელია ძალადობა აქციის მონაწილეებზე.
„ჩვენი გუნდის წევრი, ვაკო ალავიძე, დააკავეს გუშინდელ აქციაზე. საქართველოს ბანკის ადვოკატები მასთან ადგილზე არიან და ყველაფერს აკეთებენ მისი უფლებების დასაცავად და მაქსიმალურად სწრაფად გათავისუფლებისათვის. ჩვენთვის კატეგორიულად მიუღებელია ძალადობა აქციის მონაწილეებზე! საქართველოს ბანკისათვის ევროინტეგრაციისკენ გზას ალტერნატივა არ აქვს!", - წერია განცხადებაში.
ავტორი: ექსპრესნიუსი,
epn.ge (@expressnews.ge)
