სამწუხაროა, დავით ზალკალიანმა დატოვა თანამდებობა, თუმცა ეს იყო მისი არჩევანი და ამ არჩევანს, რა თქმა უნდა, პატივს ვცემ, - ამის შესახებ საქართველოს პრემიერ-მინისტრმა ირაკლი კობახიძემ პრესკონფერენციაზე განაცხადა.

მთავრობის მეთაურმა დავით ზალკალიანს სოლიდარობა გამოუცხადა და აღნიშნა, რომ მასზე სერიოზული ზეწოლა ხორციელდებოდა.

„ბატონმა დავით ზალკალიანმა დატოვა თანამდებობა. მე მასთან მქონდა საუბარი. ყველას სხვადასხვაგვარი ნებისყოფა აქვს. მინდა, სოლიდარობა გამოვუცხადო დავით ზალკალიანს, რომლის მიმართაც იყო ძალიან მძიმე ზეწოლა სხვადასხვა მხრიდან. აქ არ იგულისხმება „ნაცების" ზეწოლა. იყო სერიოზული ზეწოლა და მე მხოლოდ და მხოლოდ სოლიდარობა შემიძლია გამოვუცხადო დავით ზალკალიანს. სამწუხაროა, რომ მან დატოვა თანამდებობა, თუმცა ეს იყო მისი არჩევანი და ამ არჩევანს, რა თქმა უნდა, პატივს ვცემ", - აღნიშნა ირაკლი კობახიძემ.

რაც შეეხება თეიმურაზ ჯანჯალიას, პრემიერ-მინისტრის თქმით, ამ შემთხვევაში ვითარება განსხვავებულია და ეს მინისტრის საკადრო გადაწყვეტილებაა.

„მანამდე იყო საუბარი შემდგარი მაკა ბოჭორიშვილსა და თეიმურაზ ჯანჯალიას შორის და გადაწყვეტილება უკვე იყო მიღებული იმასთან დაკავშირებით, რომ იგეგმებოდა ცვლილება. ამ შემთხვევაში, თეიმურაზ ჯანჯალიას თანამდებობა არ დაუტოვებია, ეს იყო საკადრო გადაწყვეტილება, რომელიც მიიღო მაკა ბოჭორიშვილმა. მაკა ბოჭორიშვილმა მას შესთავაზა სისტემაში დარჩენა, რა იქნება მისი გადაწყვეტილება არ ვიცი", - აღნიშნა პრემიერმა.

ავტორი: ექსპრესნიუსი,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს