მივესალმები საგარეო საქმეთა სამინისტროს თანამშრომლებს, რომლებიც რუსული მთავრობის მოღალატეობრივ გადაწყვეტილებას გაემიჯნენ,- ამის შესახებ კოალიცია „ძლიერი საქართველოს“ ლიდერი მამუკა ხაზარაძე სოციალურ ქსელ „ფეისბუქზე“ წერს.

ხაზარაძის განცხადებით, მათი საქციელი საჯარო სექტორისთვის გადამდები უნდა გახდეს.

„მივესალმები საგარეო საქმეთა სამინისტროს  თანამშრომლებს, რომლებიც გაემიჯნენ რუსული მთავრობის მოღალატეობრივ გადაწყვეტილებას. 

მათი საქციელი გადამდები უნდა გახდეს საჯარო სექტორის ყველა თანამშრომლისთვის! 

სრული პროტესტი და დაუმორჩილებლობა! 

არჩევანი ერთია - ან საქართველო, ან რუსეთი!“- წერს ხაზარაძე.

შეგახსენებთ, გუშინ, 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომლის მიხედვითაც, მიღებულია გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

კობახიძის განცხადების შემდეგ, საქართველოს საგარეო საქმეთა სამინისტროს 44-მა თანამშრომელმა ერთობლივი განცხადება გაავრცელა და ხელისუფლების გადაწყვეტილება გააპროტესტა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის