20 ნოემბრის ღამეს, რუსეთის ფედერაციის ნოვგოროდის ოლქში, საბრძოლო მასალის საცავზე დრონებით თავდასხმა განხორციელდა. ამის შესახებ ინფორმაციას უკრაინული მედია ავრცელებს.

როგორც ეროვნული უსაფრთხოებისა და თავდაცვის საბჭოსთან არსებული დეზინფორმაციასთან ბრძოლის ცენტრის (CPD) ხელმძღვანელი ანდრეი კოვალენკო აცხადებს, თავდასხმის სამიზნე რუსეთის თავდაცვის სამინისტროს მთავარი სარაკეტო და საარტილერიო სამმართველოს მე-13 არსენალი გახდა.

კოვალენკოს თქმით, აღნიშნული არსენალი ქალაქ კოტოვოს მახლობლად, უკრაინის საზღვრიდან, დაახლოებით, 680 კილომეტრში მდებარეობს.

„არსენალში ინახება ჭურვები არტილერიისთვის, ნაღმები ნაღმტყორცნებისთვის, რაკეტები „გრადის“, „სმერჩის“ და „ურაგანის“ რეაქტიული სარაკეტო სისტემებისთვის, ასევე „ისკანდერის” ტიპის რაკეტები, С-300-ის, С-400-ის საჰაერო თავდაცვის სისტემების რაკეტები და საბრძოლო მასალა „ტორის” კომპლექსისთვის“,- აცხადებს კოვალენკო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს