ვიზალიბერალიზაციის შეჩერება ვთვლი, რომ იქნება არასწორი,- ასე ეხმაურება პარტია „გახარია საქართველოსთვის“ ლიდერი გიორგი გახარია ევროპარლამენტში გამართულ დებატებს.

როგორც გახარიამ ცოტა ხნის წინ ბრიფინგზე განაცხადა, ვიზალიბერალიზაციის შეჩერების ნაცვლად, უნდა დასანქცირდეს ის ხალხი, „ვინც ქვეყანა აქამდე მიიყვანა“.

„ვიზალიბერალიზაციის შეჩერება ვთვლი, რომ იქნება არასწორი. ეს იქნება ქართველი ხალხის დასჯა იმის მაგივრად, რომ კონკრეტულად დასაჯონ ის ადამიანები, რომლებმაც არჩევნები გააყალბეს და ქვეყნის დემოკრატიულ უკუსვლაში არიან დამნაშავე. რატომ უნდა დასაჯონ რიგითი მოქალაქეები, ახალგაზრდები?! თქვენ წარმოიდგინეთ ვიზის კეთება ადამიანების მიერ, რომლებსაც უბრალოდ დანაზოგი არ აქვთ, საბანკო ანგარიშს ვერ მიიტანენ, რომ თავისი ხარჯები ანახონ მაშინ, როდესაც ვინც ეს ყველაფერი გააკეთა, ესენი მარტივად იფრენენ იქით-აქეთ. ამიტომ, ვიზალიბერალიზაციის შეჩერების ნაცვლად, უნდა დასანქცირდეს ის ხალხი, ვინც ქვეყანა აქამდე მიიყვანა“,- აცხადებს გიორგი გახარია.

შეგახსენებთ, გუშინ, 13 ნოემბერს ევროპარლამენტში, საქართველოს საპარლამენტო არჩევნების შედეგებისა და რუსეთის სავარაუდო ჩარევის შესახებ დებატები გაიმართა. დებატებზე საუბარი იყო როგორც სანქციების, ისე სავიზო რეჟიმის დაწესებაზე.

ავტორი: ექსპრესნიუსი,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით