2024-11-12 10:09:58, 614 ნახვა
ომი უკრაინაში
გლადკოვი - ბელგოროდში უკრაინული დრონით თავდასხმის შედეგად ნავთობსაცავში ხანძარი გაჩნდა
უკრაინის შეიარაღებული ძალები ბელგოროდის ოლქში დრონის გამოყენებით ნავთობსაცავს დაესხნენ თავს, აფეთქების შედეგად ერთ-ერთ რეზერვუარს ცეცხლი გაუჩნდა. ამის შესახებ ოლქის გუბერნატორი ვიაჩესლავ გლადკოვი Telegram-ზე წერს.
გლადკოვის განცხადებით, შემთხვევის შედეგად არავინ დაშავებულა.
"უკრაინის შეიარაღებულმა ძალებმა სტარიოსკოლის ურბანული რაიონის ტერიტორიაზე ნავთობის საცავზე თავდასხმისთვის დრონი გამოიყენეს. აფეთქების შედეგად ერთ-ერთ რეზერვუარს ცეცხლი გაუჩნდა. ადგილზე ათი სახანძრო ბრიგადა იყო მობილიზებული და ხანძარი სწრაფად ჩააქრეს. არავინ დაშავებულა“, - წერს გლადკოვი.
ავტორი: ექსპრესნიუსი,
epn.ge (@expressnews.ge)
