2024-10-30 13:48:56, 415 ნახვა

---

იოზვიაკი - მოხსენების ნაწილი: თუ საქართველო არ შეცვლის კურსს, ევროკომისია მოლაპარაკებების დაწყებას რეკომენდაციას ვერ გაუწევს

„რადიო თავისუფლების“ ბრიუსელის ბიუროს კორესპონდენტი რიკარდ იოზვიაკი სოციალურ ქსელში ევროკავშირის გაფართოების შესახებ ევროკომისიის ანგარიშის ძირითად ნაწილს აქვეყნებს.

როგორც იოზვიაკი X-ზე წერს, ევროკომისიის ანგარიშში საქართველოსთან დაკავშირებით ნათქვამია, რომ თუ საქართველო არ შეცვლის ახლანდელ კურსს, ევროკომისია გაწევრიანების მოლაპარაკებების დაწყებას რეკომენდაციას ვერ გაუწევს.

„ძირითადი ნაწილი ევროკომისიის მოხსენებაში გაფართოების შესახებ: „თუ საქართველო არ შეცვლის ახლანდელ კურსს, რომელიც საფრთხეს უქმნის ქვეყნის გზას ევროკავშირში და არ აჩვენებს ხელშესახებ ძალისხმევას, არსებული პრობლემებისა და ძირითადი რეფორმების გადასაჭრელად, ევროკომისია ვერ იქნება იმ პოზიციაში, რომ საქართველოსთან გაწევრიანების მოლაპარაკებების დაწყებას გაუწიოს რეკომენდაცია“,- წერს იოზვიაკი.

ცნობისთვის, ევროკომისია გაფართოების შესახებ ანგარიშს დღეს, 30 ოქტომბერს გამოაქვეყნებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი