ნათელია, რომ საქართველოს მოსახლეობას ნამდვილი დემოკრატია უნდა და არ სურს, ევროპას მოშორდეს,- ამის შესახებ „ეროვნულ-დემოკრატიული ინსტიტუტის“ (NDI) წარმომადგენელმა, ყოფილმა კონგრესმენმა, ტომ მალინოვსკიმ საქართველოს საპარლამენტო არჩევნების შეფასებისას განაცხადა. 

როგორც ორგანიზაციის წარმომადგენელმა ცოტა ხნის წინ გამართულ პრესკონფერენციაზე აღნიშნა, მთელი მსოფლიო აკვირდება, საქართველოს ლიდერობა მიიღებს თუ არა, რასაც ამომრჩეველმა მხარი დაუჭირა.

„საქართველოს 2024 წლის საპარლამენტო არჩევნებზე ამომრჩევლის უფრო მაღალი აქტივობა დაფიქსირდა, ვიდრე წინა არჩევნებზე. ეს არის საქართველოს ერთგულება დემოკრატიული პროცესების მიმართ. ნათელია, რომ საქართველოს მოსახლეობას ნამდვილი დემოკრატია უნდა და არ სურს, ევროპას მოშორდეს. ამიტომ, მთელი მსოფლიო აკვირდება იმას, საქართველოს ლიდერობა მიიღებს თუ არა, რასაც ამომრჩეველმა მხარი დაუჭირა.

რაც შეეხება შედეგებს, შედეგებთან დაკავშირებით ჩვენ ვნახეთ საჩივრები, მათ შორის ლეგიტიმური კითხვის ნიშნები, რომელიც საარჩევნო პროცესის სამართლიანობას უკავშირდებოდა. ISFED-ი, რომელიც გახლავთ წამყვანი სადამკვირვებლო ჯგუფი, ჯერ კიდევ ასრულებს მუშაობას დეტალურ ანგარიშზე, რომელიც პარალელურ ხმების დათვლას ეხება და მოგიწოდებთ ყველას, მიიღოთ მხედველობაში. აბსოლუტურად ვენდობით იმ მეთოდოლოგიას, რომელსაც ის იყენებს“,- განაცხადა NDI-ის წარმომადგენელმა.

ავტორი: ექსპრესნიუსი,

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის