ამერიკის შეერთებული შტატები 800 მილიონი დოლარის დახმარების პაკეტს ამზადებს, რომელიც უკრაინაში დრონების წარმოების დაფინანსებისთვის იქნება გამოყენებული,- ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ ვიდეომიმართვაში განაცხადა.

მისი თქმით, “პუტინს ეშინია მშვიდობის და სწორედ ამიტომ ეძებს გზებს, რომ გაზარდოს აგრესია და ახლა ჩრდილოეთ კორეა ფრონტზე გამოიყვანოს“.

“მზადდება კიდევ ერთი ცალკეული პაკეტი - 800 მილიონი დოლარი უკრაინული დრონების წარმოების დასაფინანსებლად. უკრაინა მადლიერია ამ მხარდაჭერისთვის. ჩვენ გვჭირდება, რომ მსოფლიოში ნებისმიერი პოლიტიკური საფრთხის მიუხედავად, უკრაინამ შეძლოს თავისი სუვერენიტეტისა და დამოუკიდებლობის დაცვა.

აშკარაა, რომ პუტინს ეშინია მშვიდობის და სწორედ ამიტომ ეძებს გზებს, რომ გაზარდოს აგრესია და ახლა ჩრდილოეთ კორეა ფრონტზე გამოიყვანოს. ეს არის ნათელი სიგნალი მთელი მსოფლიოსთვის, ვისაც მხოლოდ ომი სურს. და ასეთ ვითარებაში, მე მადლობელი ვარ ყველა ლიდერის, ყველა სახელმწიფოსი, ვინც ახლა აძლიერებს მხარდაჭერას უკრაინის მიმართ, ვინც მხარი დაუჭირა პირველ, დამწყებ სამშვიდობო სამიტს და გვეხმარება მეორე სამიტის მომზადებაშიც“,- აღნიშნა უკრაინის პრეზიდენტმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს