2024-10-18 20:48:54, 739 ნახვა
ომი უკრაინაში
დანიამ უკრაინისთვის 320 მილიონი ევროს ღირებულების სამხედრო დახმარების პაკეტი დააანონსა
დანიამ უკრაინისთვის 320 მილიონი ევროს ღირებულების სამხედრო დახმარების პაკეტი დააანონსა. ამის შესახებ ინფორმაციას უკრაინული მედია ავრცელებს.
როგორც დანიის თავდაცვის სამინისტროს განცხადებაშია აღნიშნული, დახმარების 21-ე პაკეტი ითვალისწინებს დანიის არმიის მარაგებიდან იარაღის გადაცემას, გერმანიასთან თანამშრომლობით საჰაერო თავდაცვის სისტემების დაფინანსებას და უკრაინისთვის საერთაშორისო ფონდში წვლილის შეტანას, რომელსაც დიდი ბრიტანეთი მეთაურობს.
"დამატებითი სახსრები უკრაინელი სამხედრო მოსამსახურეების საწვრთნელო ღონისძიებების გაფართოებაზე მიემართება",- ნათქვამია დანიის თავდაცვის სამინისტროს განცხადებაში.
ავტორი: ექსპრესნიუსი,
epn.ge (@expressnews.ge)
