ევროპარლამენტში, პლენარულ სესიაზე დღეს, 8 ოქტომბერს საქართველოს საკითხს განიხილავენ. ამის შესახებ ინფორმაცია ევროპარლამენტის ვებგვერდზე ვრცელდება.

ვებგვერდზე გამოქვეყნებული ინფორმაციის თანახმად, სესიაზე  ევროპარლამენტარებთან ერთად, ევროკავშირის უმაღლესი წარმომადგენელი ჯოზეფ ბორელი საკითხს - "დემოკრატიული უკუსვლა და პოლიტიკური პლურალიზმის საფრთხე საქართველოში“ განიხილავს. აგრეთვე, იგეგმება ამავე სახელწოდების რეზოლუციის მიღებაც. 

"მაშინ, როცა ქვეყანა 26 ოქტომბერს საპარლამენტო არჩევნებისთვის ემზადება, შეშფოთება გაჩნდა მმართველი პარტია "ქართული ოცნების“ მზარდი ავტორიტარული პოლიტიკის გამო, განსაკუთრებით მედიის თავისუფლებასთან და ლგბტქ+ უფლებებთან დაკავშირებით. მიუხედავად იმისა, რომ საქართველოს 2023 წლის დეკემბერში ევროკავშირის კანდიდატის სტატუსი მიენიჭა, პარტია კრიტიკის წინაშე აღმოჩნდა პროდემოკრატიული საპროტესტო აქციების ჩახშობისა და კანონის დანერგვის გამო, რომელიც დასავლეთის მიერ დაფინანსებულ მედიასა და არასამთავრობო ორგანიზაციებს "უცხოურ აგენტებად“ ასახელებს. თუკი, "ქართული ოცნება“ მომავალ არჩევნებში მნიშვნელოვან უმრავლესობას მოიპოვებს, არსებობს შიში, რომ საქართველოში მრავალპარტიული სისტემა და პოლიტიკური პლურალიზმი კიდევ უფრო მეტი საფრთხის ქვეშ აღმოჩნდება",- ნათქვამია ევროპარლამენტის ინფორმაციაში.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს