2024-09-12 14:38:53, 478 ნახვა
მსოფლიო
რუსეთში მურმანსკისა და აპატიტის აეროპორტების მუშაობა შეზღუდულია
რუსეთში მურმანსკისა და აპატიტის აეროპორტების მუშაობა შეზღუდულია. ამის შესახებ ინფორმაციას BBC რუსეთის საჰაერო ტრანსპორტის ფედერალურ სააგენტოზე დაყრდნობით ავრცელებს.
მედიის ცნობით, სააგენტოს მიერ გავრცელებულ განცხადებაში აღნიშნულია, რომ ეს გადაწყვეტილება "ფრენების უსაფრთხოების უზრუნველსაყოფად“ იქნა მიღებული.
"გასულ ღამეს მურმანსკის და აპატიტის აეროპორტები რამდენიმე საათის განმავლობაში არ მუშაობდნენ. რეგიონის თავზე 3 უკრაინული უპილოტო საფრენი აპარატი ჩამოაგდეს", - განაცხადა ადგილობრივმა ხელისუფლებამ.
უკრაინულ მხარეს მურმანსკის ოლქზე თავდასხმის შესახებ კომენტარი ჯერ არ გაუკეთებია.
ავტორი: ექსპრესნიუსი,
epn.ge (@expressnews.ge)
