2024-08-23 10:54:10, 415 ნახვა
მსოფლიო
დროებით ოკუპირებულ ცხინვალში რუსი სამხედროს ცხედარი იპოვეს
დროებით ოკუპირებული ცხინვალის რაიონ შანხაიში რუსი სამხედროს ცხედარი იპოვეს. ამის შესახებ ინფორმაციას Ekhokavkaza ავრცელებს.
მედიის ცნობით, გარდაცვლილი 43 წლისაა და სამხედრო ბაზიდან რამდენიმე დღის წინ გაუჩინარდა. ცხედარი ქუჩაში შემთხვევითმა გამვლელმა იპოვა, რომელიც ძაღლს ასეირნებდა.
"ადგილზე, წინასწარი დათვალიერებით ძალადობის კვალი არ გამოვლენილა, თუმცა სიკვდილის ზუსტი მიზეზი ექსპერტიზის შემდეგ დადგინდება.
სამხრეთ ოსეთის რესპუბლიკაში დისლოცირებული მე-4 გვარდიული სამხედრო ბაზის სამხედრო მოსამსახურეების ნაწილი აქტიურად მონაწილეობს რუსეთის სრულმასშტაბიან შეჭრაში უკრაინაში", - ნათქვამია ინფორმაციაში.
ავტორი: ექსპრესნიუსი,
epn.ge (@expressnews.ge)
