ისრაელის პრემიერ-მინისტრი ბენიამინ ნეთანიაჰუ ვაშინგტონში გაემგზავრა. ამის შესახებ ინფორმაციას The Times Of Israel-ი ავრცელებს.

მედიის ცნობით, ვიზიტის ფარგლებში ნეთანიაჰუ ამერიკის შეერთებული შტატების პრეზიდენტ ჯო ბაიდენსა და ვიცე-პრეზიდენტ კამალა ჰარისს შეხვდება.

24 ივლისს დაგეგმილია ისრაელის პრემიერის კონგრესში სიტყვით გამოსვლა.

მედიის ცნობით, ნეთანიაჰუ, შესაძლოა, პრეზიდენტობის კანდიდატ დონალდ ტრამპსაც შეხვდეს, თუმცა აღნიშნული ინფორმაცია ოფიციალურად დადასტურებული არ არის.

ვაშინგტონში გამგზავრებამდე მედიასთან საუბრისას ნეთანიაჰუმ შეაფასა ბაიდენის გადაწყვეტილება საპრეზიდენტო არჩევნებზე კანდიდატურის მოხსნასთან დაკავშირებით და აღნიშნა, რომ იმის მიუხედავად, ვინ გაიმარჯვებს არჩევნებში, ისრაელი აშშ-ის მოკავშირედ დარჩება.

„ვგეგმავ, შევხვდე პრეზიდენტ ბაიდენს, რომელსაც ვიცნობ ორმოც წელზე მეტია. ეს იქნება შესაძლებლობა, მადლობა გადავუხადო იმისთვის, რაც გააკეთა ისრაელისთვის ომში, ასევე საჯარო სამსახურში მისი ხანგრძლივი და გამორჩეული კარიერის განმავლობაში, როგორც სენატორმა, ვიცე-პრეზიდენტმა და პრეზიდენტმა“,- აღნიშნა ნეთანიაჰუმ.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა