2024-07-17 17:14:15, 499 ნახვა
მსოფლიო
მედია - პოლონეთი ბელარუსის საზღვართან სამხედრო წვრთნებს იწყებს
პოლონეთი ბელარუსის საზღვართან 1-ელი აგვისტოდან სამხედრო წვრთნებს იწყებს. ამის შესახებ ინფორმაციას უცხოური მედია ქვეყნის თავდაცვის სამინისტროს ხელმძღვანელზე, ვლადისლავ კოსინიაკ-კამიშზე დაყრდნობით ავრცელებს.
კოსინიაკ-კამიშის განცხადებით, წვრთნაში მონაწილეობას 17 000-მდე სამხედრო მიიღებს.
როგორც თავდაცვის უწყებაში ამბობენ, მიიღებენ შესაბამის ზომებს, რათა იმ ქვეყნების მოქალაქეებმა, რომლებიც პოლონეთში არალეგალურად ჩადიან, იცოდნენ, რომ პოლონეთი-ბელარუსის საზღვრის გადაკვეთა დანაშაულია.
"პასუხს აგებს ყველა, ვინც რამე სახით შეურაცხყოფას მიაყენებს პოლონეთის არმიის ჯარისკაცებს, რომლებიც იცავენ ქვეყნის საზღვარს”,- განაცხადა კოსინიაკ-კამიშმა.
ავტორი: ექსპრესნიუსი,
epn.ge (@expressnews.ge)
