ქვეყნისთვის ევროპული მომავალი რომ მნიშვნელოვანია, ამის კონსტიტუციაში ასახვა ჩვენს მიერ მოხდა, - ამის შესახებ დედაქალაქის მერმა, კახა კალაძემ პრეზიდენტ სალომე ზურაბიშვილის სარჩელის შესახებ განაცხადა.

როგორც მან აღნიშნა, პრეზიდენტი საკუთარი ქმედებებით „რადიკალურ დაჯგუფებებს წარმოადგენს, რომლებიც ქვეყნის მტრები არიან". 

„როგორ შეიძლება იმ ადამიანზე კომენტარი გააკეთო, რომელიც პირდაპირ ამბობდა, რომ  ქვეყანა კანდიდატის სტატუსს არ იმსახურებდა? ამას ამბობდა საკუთარ ქვეყანაზე. ც მათ ყველას ერთი პატრონი ჰყავთ. შეიძლება სხვადასხვა სახელი ერქვათ, მაგრამ სინამდვილეში ერთნი არიან. როგორ შეიძლება ადამიანი გამჭვირვალობას ეწინააღმდეგებოდეს, თუ რაიმე დასამალი არ აქვს და სიბინძურეში არაა“, - აღნიშნა კახა კალაძემ. 

რაც შეეხება კითხვას სარჩელების შესახებ, რომლებიც სალომე ზურაბიშვილმა და არასამთავრობო სექტორმა საკონსტიტუციო სასამართლოსთვის მოამზადეს და მათი მტკიცებით, აღნიშნული კანონი 78-ე მუხლს ეწინააღმდეგება, თბილისის მერი პასუხობს, რომ გამჭვირვალობა ევროპულ ღირებულებებს არ ეწინააღმდეგება. 

„ქვეყნისთვის ევროპული მომავალი რომ მნიშვნელოვანია, ამის კონსტიტუციაში ასახვა ჩვენს მიერ მოხდა. ამის ინიციატორი სწორედ „ქართული ოცნება-დემოკრატიული საქართველო“ იყო. ასევე, 2012 წლიდან მოყოლებული, თუკი რაიმე წინ გადადგმული ნაბიჯი არსებობს ან ევროინტეგრაციის გზაზე რაიმე წარმატებას მივაღწიეთ, ეს არის ჩვენი ხელისუფლების დამსახურება. 

ჩვენ მოვისმინეთ ძალიან ბევრი შანტაჟის შემცველი განცხადება, მუქარა, რომ ეს კანონი გაწვეულიყო. თუმცა, ვერ მოვისმინეთ არგუმენტი „რატომ“. „იმიტომ“ არ არის პასუხი. ჩვენ გვჭირდება არგუმენტები - გამჭვირვალობა რატომ არის პრობლემა. როგორ შეიძლება გამჭვირვალობა ევროპულ ღირებულებებს ეწინააღმდეგებოდეს?“ - განაცხადა კახა კალაძემ. 

ავტორი: ექსპრესნიუსი,

სოციალური ქსელები

ზელენსკიმ თავდაცვის მინისტრი თანამდებობიდან გადააყენა - ამას პროტესტი მოჰყვა

ვოლსკი: მაკა ბოჭორიშვილის ვაშინგტონში მიწვევა სერიოზული დასტურია, რომ საქართველოსთან თანამშრომლობა საგანგებოდ მნიშვნელოვანია

ირანის შეიარაღებული ძალების გაერთიანებული სარდლობა - აშშ-ის მიერ ჰორმუზის სრუტეში ჩარევას არ დავუშვებთ

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ