2024-07-05 14:33:58, 465 ნახვა
მსოფლიო
ვიქტორ ორბანი რუსეთში ჩავიდა [ვიდეო]
უნგრეთის პრემიერ-მინისტრი ვიქტორ ორბანი რუსეთში ჩავიდა. ამის შესახებ ინფორმაციას რუსული სამთავრობო-პროპაგანდისტული მედია "რია ნოვოსტი" ორბანის პრესმდივანზე დაყრდნობით ავრცელებს.
როგორც "რია ნოვოსტი" წერს, დაგეგმილია უნგრეთის პრემიერ-მინისტრის რუსეთის პრეზიდენტ ვლადიმერ პუტინთან შეხვედრა.
მანამდე გავრცელდა ინფორმაცია, რომლის მიხედვითაც, ორბანთან ერთად, ქვეყანას უნგრეთის საგარეო საქმეთა მინისტრი პიტერ სიიარტოც ესტუმრებოდა.
აღსანიშნავია, რომ ორბანი რამდენიმე დღის წინ ვიზიტით უკრაინაში იმყოფებოდა. მანამდე, უნგრეთი ევროკავშირის საბჭოს თავმჯდომარე ქვეყანა გახდა.
ავტორი: ექსპრესნიუსი,
epn.ge (@expressnews.ge)
