შინაგან საქმეთა მინისტრის მოადგილე არჩილ თალაკვაძე ქალთა მიმართ ძალადობის საკითხებზე გაერო-ს სპეციალურ მომხსენებელს - დუბრავკა სიმონოვიჩს შეხვდა.

შსს-ს ინფორმაციით, შეხვედრაზე ქალთა მიმართ ძალადობის და ოჯახში ძალადობის წინააღმდეგ საქართველოს შინაგან საქმეთა სამინისტროს მხრიდან გაწეული სამუშაო და შედეგები შეაჯამეს.

შს მინისტრის მოადგილემ გაერო-ს სპეციალურ მომხსენებელს სამინისტროს მიერ 2014 წელს დაწყებული პროგრამა გააცნო.

„პროგრამის ფარგლებში, საზოგადოების ცნობიერების ამაღლების მიზნით, მოსახლეობასთან 2100-ზე მეტი შეხვედრა გაიმართა; ჩატარდა მედია-კამპანია ოჯახში ძალადობის საკითხებზე; შსს-ს ვებ-გვერდზე განთავსდა ინტერაქტიული რუკა და ანგარიშები, რომელიც ძალადობის ფაქტებზე რეაგირების შესახებ ამომწურავ ინფორმაციას იძლევა; პოლიციელებმა სპეციალური გადამზადება გაიარეს და 500-მდე პოლიციელი ქალი ოჯახში ძალადობის წინააღმდეგ აქტიურ ბრძოლაში ჩაერთო; საქართველოს ხელისუფლებამ ამ კუთხით კანონმდებლობა შეცვალა და გაამკაცრა.

პროგრამის განხორციელების შედეგად, 2015 წელს მოძალადეთა დევნის მაჩვენებელი 40%-დან 90%-მდე გაუმჯობესდა, შემაკავებელი ორდერების გაცემის მაჩვენებელი კი წელიწადში 227-დან 2598-მდე გაიზარდა. ასევე, ორჯერ გაიზარდა ოჯახში მომხდარი დანაშაულის გამოვლენის მაჩვენებელიც.

2016 წელს, ევროკავშირის მხარდაჭერით, შსს ოჯახში ძალადობის წინააღმდეგ უკვე მეორე, ახალ პროგრამას იწყებს, რომელიც დამატებითი ღონისძიებების განხორციელებას ადრეული ქორწინების წინააღმდეგაც ითვალისწინებს“, - აცხადებენ შსს-ში.

ცნობისთვის, დუბრავკა სიმონოვიჩი ქალთა მიმართ ძალადობის საკითხებზე გაერო-ს სპეციალური მომხსენებლის რანგში პირველი ოფიციალური ვიზიტით ეწვია საქართველოს. მან  2016 წლის ივნისში გაერო-ს ადამიანის უფლებათა საბჭოს 32-ე სესიაზე საქართველოს შესახებ ანგარიში უნდა წარადგინოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს