თბილისის მერი დავით ნარმანია უარყოფს გავრცელებულ ინფორმაციას, რომ დაკავებული მერიის თანამშრომელი ჯოკია ბოდოკია მისი თანასოფლელი და თანაკლასელია.

როგორც ნარმანიამ ჟურნალისტებს განუცხადა, ბოდოკია თბილისში დაბადებული და გაზრდილია და თანაც მასზე  რამდენიმე წლით უფროსია.

ამასთან, ნარმანიამ არ დაადასტურა არც ის ინფორმაცია, რომ ჯოკია ბოდოკიას მისი ძმა იცავს. ნარმანიას განმარტებით, მისი ძმა საქართველოში არ იმყოფება.

"ეს არის აბსოლუტურად აბსურდული განცხადება, რომელსაც რეალობასთან არანაირი კავშირი არ აქვს. ასევე მინდა გამოვეხმაურო მათ მიერ გავრცელებულ დეზინფორმაციას იმასთან დაკავშირებით თითქოს,  ჩემი ძმა იცავს ბოდოკიას. ჩემი ძმა პროფესიით ადვოკატია, მაგრამ მას არანაირი კავშირი ამ საქმესთან არ აქვს.მეტსაც გეტყვით, ინტერესთა კონფლიქტია და ის ვერ დაიცავს მას. ამავდროულად არც საქართველოში არ იმყოფება. აქედან გამომდინარე, ის განცხადება არის ისეთივე სიცრუე, როგორიც არის გავრცელებული ინფორმაცია, რომ ბოდოკია არის ჩემი თანასოფლელი. ის არის თბილისში დაბადებული, გაზრდილი. ჩემზე რამდენიმე წლით უფროსი. შესაბამისად, ის  ჩემი თანაკლასელი, თანასოფლელი და ბავშვობის მეგობარი ვერ იქნებოდა. თუ სამართალდამცავი ორგანოები გამოძიების პროცესში დაადგენენ რაიმე დამატებით გარემოებას, რეაგირება იქნება.საუბარი არის ვაკე საბურთალოს გზაზე მომავალში ასაშენებლ სასტუმროზე. მინდა ვთქვა, რომ ეს ადამიანი ამ საქმეზე რეალურ გავლენას მაინც  ვერ იქონიებდა",-განაცხადა დავით ნარმანიამ.

შეგახსენებთ, შინაგან საქმეთა სამინისტროს ანტიკორუფციული სააგენტოს თანამშრომლებმა, განსაკუთრებით დიდი ოდენობით ქრთამის აღების ფაქტზე თბილისის მერიის ზედამხედველობის სამსახურის აპარატის უფროსი ჯოკია ბოდოკია დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ