„პირდაპირ მინდა ვთქვა, რომ უნდა შეჩერდეს მოსამართლეთა შერჩევა-დანიშნვის ხარვეზიანი პროცესი, - ამის შესახებ საქართველოს პრეზიდენტის მრჩეველმა ადამიანის უფლებათა სახითხებში, კახა კოჟორიძემ განაცხადა.

მისივე განცხადებით, საქართველოს პარლამენტმა სისტემური რეფორმების გატარება დაუყოვნებლივ უნდა დაიწყოს.

„მინდა პირდაპირ ვთქვა, რომ მოსამართლეთა შერჩევის დანიშნვის ხარვეზიანი პროცესი უნდა შეჩერდეს და საქართველოს პარლამენტმა სისტემური რეფორმების გატარება დაუყოვნებლივ უნდა დაიწყოს.

საქართველოს პრეზიდენტმა, თავის საპარლამენტო სიტყვაში, დღის წესრიგში სასამართლოში არსებული პრობლემები დააყენა. ჩვენი საერთაშორისო პარტნიორები, თავიანთ ანგარიშებში სასამართლოში არსებული პრობლემების ჩამოთვლას საბჭოს საქმიანობის აღწერით იწყებენ. დღეს ჩვენ არავის არ გვაქვს უფლება მშვიდი სახეებით ველოდოთ, როდის დაინგრევა სამართლიანი სასამართლოს შექმნის იმედი.

საქართველოს სჭირდება არა ისეთი მოსამართლეები, რომლებიც უარს იტყვიან საკუთარ სახელსა და გვარზე, არამედ სჭირდება მოსამართლეები, რომლებიც საკუთარი სახელით და გვარით და მათ მიერ მიღებული გადაწყვეტილებებით იამაყებენ“ , -  განაცხაგა კოჟორიძემ.

როგორც კოჟორიძემ აღნიშნა, ამ პროცესში ყველას მოეთხოვება, რომ სწორი ხედვები და პოზიციები დააფიქსიროს, განსაკუთრებით კი უზენაესი სასამართლოს თავმჯდომარეს.

„ჩვენ ვსაუბრობთ სისტემურ რეფორმებზე და ამ პროცესში ყველას მოეთხოვება სწორი ხედვები და პოზიციები დააფიქსიროს. სისტემური რეფორმების მოგვარების თვალსაზრისით და პირველ რიგში ეს ცხადია მოეთხოვება უზენაესი სასამართლოს თავმჯდომარეს“, - განაცხადა კახა კოჟორიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს