სლოვაკეთის მოქალაქეებმა ორ მილიონ ევროზე მეტი შეაგროვეს უკრაინის საბრძოლო მასალისთვის. გასულ წელს ქვეყნის ხელისუფლებამ უარი თქვა კიევისთვის სამხედრო დახმარების გაწევაზე.

Reuters-ის ცნობით, სლოვაკეთის მოქალაქეებმა ამ კვირაში პლადფორმა crowdfunding-ის მეშვეობით შეაგროვეს თითქმის ორი მილიონი ევრო უკრაინას საბრძოლო მასალის მიწოდებისთვის.

ქვეყნის პრემიერ-მინისტრის, რობერტ ფიცოს მთავრობამ უარი თქვა მონაწილეობაზე ჩეხეთის ხელისუფლების საერთაშორისო ინიციატივაში, უკრაინისთვის ასობით ათასი საარტილერიო საბრძოლო მასალის შესყიდვაზე ევროკავშირის გარეთ, რომელსაც შეუერთდა მინიმუმ 15 ქვეყანა. სლოვაკეთის წინა მთავრობამ კიევს საჰაერო თავდაცვის სისტემები და მოიერიშე თვითმფრინავები მიაწოდა.

სლოვაკეთმა გასულ წელს შეწყვიტა სახელმწიფო სამხედრო დახმარება უკრაინას, იმის მტკიცებით, რომ კონფლიქტს არ ჰქონდა სამხედრო გადაწყვეტა და ფიცომ გაიმეორა მოსკოვის მოწოდებები სამშვიდობო მოლაპარაკებების შესახებ. ფონდების შემგროვებლები ამბობენ, რომ კამპანია მიზნად ისახავს აჩვენოს, რომ ქვეყნის მოქალაქეების უმრავლესობა არ ეთანხმება ხელისუფლების ცვლილებას საგარეო პოლიტიკაში სექტემბრის არჩევნების შემდეგ.

სლოვაკეთში აპრილის დასაწყისში გამართულ საპრეზიდენტო არჩევნებში პარლამენტის სპიკერმა და პარტიის ხმა - სოციალდემოკრატიის ლიდერმა პიტერ პელეგრინიმ გაიმარჯვა. ის ფიცოს მოკავშირე და უკრაინისთვის სამხედრო დახმარების მოწინააღმდეგეა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს