თბილისის საბავშვო ბაგა-ბაღების მართვის სააგენტოსა და საერთაშორისო ორგანიზაცია „გადავარჩინოთ ბავშვებს“ (Save the Children) შორის არსებული თანამშრომლობა 2024-2025 წლებში კიდევ უფრო გაღრმავდება, რომლის ფარგლებშიც, ახალი, ერთობლივი პროექტები განხორციელდება.

ორწლიანი თანამშრომლობის მემორანდუმს სააგენტოს ხელმძღვანელმა, კახა აბულაძემ და ორგანიზაცია Save the Children-ის საქართველოს ოფისის ხელმძღვანელმა, თამარ გოლუბიანმა მოაწერეს ხელი.

მხარეთა შეთანხმების მიზანია სკოლამდელი და ადრეული აღზრდისა და განათლების სისტემის მომსახურების მაღალი ხარისხის უზრუნველყოფა, რაც გულისხმობს მეთოდოლოგიურ გაძლიერებას, თანამშრომელთა პროფესიულ განვითარებასა და ინკლუზიური განათლების ხელშეწყობას. პროექტები უკვე რამდენიმე წელია ხორციელდება, თუმცა მასშტაბები ყოველ წელს იზრდება.

ერთ-ერთი მთავარი მიმართულება, რომელსაც ორგანიზაცია „გადავარჩინოთ ბავშვები“ თბილისის ბაღებში ახორციელებს, ე.წ. ჰართის (HEART) მეთოდოლოგიის ინტეგრირებაა. პროგრამა, რომელიც ხელოვნების გზით აღსაზრდელების განათლებასა და გაჯანსაღებას ისახავს მიზნად, უკვე დაინერგა დედაქალაქის 100 საბავშვო ბაღში, გადამზადებულია 700-მდე აღმზრდელი, წელს კი, ეს რიცხვი 500-ით გაიზრდება.

სააგენტო და ორგანიზაცია გააგრძელებენ და გააფართოებენ ჰუმანიტარულ პროექტებს უკრაინიდან ლტოლვილი ოჯახების შვილებისთვის, სადაც 900-მდე ბავშვმა უკვე მიიღო მომსახურება, სასკოლო მზაობის პროგრამას კი 70 ბავშვი გაივლის. მხარეები ასევე, შეთანხმდნენ ერთობლივი სასწავლო ცენტრის დაფუძნების შესახებ.

„მნიშვნელოვანი სიახლეებით გრძელდება ჩვენი მრავალწლიანი თანამშრომლობა. 2024-2025 წლებში, მემორანდუმის ფარგლებში, გათვალისწინებულია ადრეული და სკოლამდელი განათლების სექტორის თანამშრომელთა პროფესიული განვითარების ცენტრის დაარსება და აღჭურვა, „ჰართის“ ტრენინგების ჩატარება და ცენტრის უწყვეტი ფუნქციონირების მხარდაჭერა. ჩვენი თითოეული პროექტის მიზანია, სისტემის უწყვეტი განვითარება, პერსონალის მხარდაჭერა, საერთაშორისო სტანდარტებისა და სიახლეების დანერგვა“, - განაცხადა კახა აბულაძემ და საერთაშორისო ორგანიზაციის წარმომადგენლებს ინიციატივებისა და მხარდაჭერისთვის მადლობა გადაუხადა.

ინფორმაციას თბილისის მერია ავრცელებს.

ავტორი: NS (სტატია დაფინანსებულია),

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება