პარლამენტის პლენარულ სხდომაზე, სადაც საქართველოს საგარეო საქმეთა მინისტრის, ილია დარჩიაშვილის მოსმენა მიმდინარეობს, ცოტა ხნის წინ სიტყვიერი დაპირისპირება მოხდა.

დაპირისპირება "სტრატეგია აღმაშენებლის" ლიდერს, გიორგი ვაშაძესა და უმრავლესობის დეპუტატებს შორის მას შემდეგ დაიწყო, რაც ვაშაძემ სიტყვით გამოსვლისას, საარჩევნოდ უცხოეთში მყოფი ემიგრანტების საკონსულო აღრიცხვაზე აყვანის თემაზე, მმართველი პარტიის პოლიტიკა გააკრიტიკა.

"800 ათასზე მეტი ჩვენი თანამემამულე იძულებული გახდა 2012 წლის შემდგომ ქვეყნიდან წასულიყო იმიტომ, რომ შემოსავალი, სამუშაო ადგილი არ აქვს. ფასების ზრდის პირობებში უბრალოდ, ოჯახს ვერ არჩენენ. წავიდნენ ადამიანები იმისთვის, რომ სარჩო-საბადებელი იშოვონ და აქ შვილებს გადმოურიცხონ. მილიარდები შემოდის აქედან საქართველოს ეკონომიკაში. ყველა ჩვენს თანამემამულეს უნდა საქართველოში დაბრუნება...

მინდა გკითხოთ - რას ერჩით ამ ემიგრანტებს? ადამიანები, რომლებიც საკონსულოში მოგმართავენ საკონსულო აღრიცხვაზე და თქვენი საკონსულოები მათ არ არეგისტრირებენ. მაგალითად, ხელში მაქვს ბოლო ერთი თვის სტატისტიკა ნიუ-იორკის საკონსულოსთან დაკავშირებით. 52-მა ადამიანმა მიმართა ნიუ-იორკის საკონსულოს რეგისტრაციისთვის",- მიმართა ვაშაძემ დარჩიაშვილს.

აღნიშნულის შემდეგ "სტრატეგია აღმაშენებლის" ლიდერს უმრავლესობის წარმომადგენლებმა  "მოღალატე" და "ნაძირალა" უწოდეს.

ავტორი: ექსპრესნიუსი,

სოციალური ქსელები

თბილისში, ვერაზე სროლა იყო - არსებული ინფორმაციით, დაჭრილია 3 ახალგაზრდა

ოლიგარქის სასამართლომ ევროკავშირისა და დასავლელი დიპლომატებისთვის „საბოტაჟის“ საქმეზე დასწრება აკრძალა

ზესტაფონში ავარიის შედეგად 6 ადამიანი დაშავდა

IPI: ვახო სანაიას პატიმრობა განსხვავებული აზრის ჩახშობის კიდევ ერთი საგანგაშო ნაბიჯია